Guro sa Cuyo
(ganito kami nuon)

Ang mga Guro  
Lima kaming volunteer teachers sa Cuyo Palawan sa ilalim ng programang Gurong Pahinungod. Magkasama kami ni Dexter Pante na nagtuturo sa Gaudencio Abordo National High School (GAMNHS. pagbigkas: gams) sa Bisucay Island, islang 20 minuto ang layo sa Cuyo. Nagtuturo naman ireng tatlo naming kasamahan sa Pawa National High School: sina Cesar Aggalot, Grace Duka at Rhea Rabin. Tuwing Biyernes, nagkikita kita kami sa bayan upang kumain ng sabaysabay, mag-kwentuhan, tawanan, iyakan, sumbungan, asaran, sabihan ng ka-gross-an.   

Cuyo Tangays (from left): 'Deep Blue' Dex, 'Sister' Rhea, 'touched ako' Grace, Cesar 'Grossy',   'Constipated' Edong

GAMNHS  
Siyam kaming maestro/maestra sa GAMNHS. Nagtuturo ako ng Physics sa 4th year, Math sa 3rd year at Earth Science sa mga bulilit na 1st year. Overload pa rin ang ilang guro duon bagamat nabawasan na sila ng tinuturo dahil sa amin, mga volunteer teachers. Patunay lamang na malaki ang pagkukulang sa mga guro sa maraming paaralan.   

Malaki ang pinagkaiba ng mga estudyante sa Cuyo sa mga estudyante sa ibang siyudad. Madalas nahihiyang mag-salita ng Filipino. May matatalino, meron din namang di marunong gumamit ng ruler.   

Nagbigay ako ng Bonus question sa first year. Ang alituntunin: "Magsulat ng nakakatawang joke." Heto ang sagot ng isang estudyante: "Dear Sir, sorry po pero di ko alam kung ano ang ibig sabihin ng joke pero susubukan ko po. Ang joke ay isang scientific invention na ginagamitan ng observation." Bukod sa pagtuturo ng aking lesson, dadagdagan ko na rin ng konting English lessons. 

ganito kami nuon | buhay guro